Drejtori Ekzekutiv i Agjencisë Kadastrale të Kosovës, z. Faik Kelmendi, ka shpërndarë licencat për gjeodetë dhe kompanitë gjeodezike. Kandidatët për licencim fillimisht kanë ndjekur trajnim nga stafi i AKK-së, e më pas i janë nënshtruar procesit të testimit. Pas përmbushjes së të gjitha kushteve të parapara për licencim, ata janë pajisur me licencat përkatëse.
Me rastin e shpërndarjes së licencave, Drejtori Kelmendi vlerësoi rëndësinë e rolit të gjeodetëve të licencuar në zhvillimin e sektorit kadastral, duke theksuar se profesionalizmi, integriteti dhe respektimi i standardeve ligjore e profesionale janë elemente kyçe për ofrimin e shërbimeve cilësore dhe të besueshme.
Pas përfundimit të procesit të testimit dhe plotësimit të të gjitha kushteve të nevojshme, në ambientet e AKK-së u bë shpërndarja e licencave për gjeodetë dhe kompanitë gjeodezike, duke hapur kështu rrugën për ushtrimin e veprimtarisë së tyre profesionale dhe për kontributin e tyre në zhvillimin e mëtejshëm të sektorit të gjeodezisë në Republikën e Kosovës.