Në vazhdën e angazhimeve për intensifikim të bashkëpunimit me institucionet e tjera, me qëllim të digjitalizimit të shërbimeve dhe thjeshtësimit të procedurave administrative sot gjatë ditës Zv. Drejtori ekzekutiv i AKK-së Avni Ahmeti priti në takim Ud. Kryeshefin ekzekutiv të KEK-ut Bekir Gërguri.
Temë qëndrore e takimit ishte ofrimi i bashkëpunimit nga ana e AKK-së sa i përket çështjeve pronësore në realizimin e projekteve te KEK-ut. Temë tjetër diskutimi ishte edhe unifikimi i emërtimeve te KEK-ut, praktikë kjo e realizuar nga AKK-ja edhe për institucione tjera, tash e disa vite me qëllim të ngritjes së kualitetit të të dhënave. U diskutua gjithashtu edhe për ofrimin e qasjes në SIKTK edhe për gjeodetët e KEK-ut.