Në kuadër të aktiviteteve të projektit të ndërlidhjes së qytetarit me adresë, në ambientet e Agjencisë Kadastrale të Kosovës është realizuar një takim me zyrtarët e Agjencisë së Regjistrimit Civil. Qëllimi i takimit ishte diskutimi dhe prezantimi i konceptit të ndërlidhjes së qytetarit me adresë të përpiluar nga AKK. Gjithashtu në takim është prezantuar edhe moduli i ARIS-it i krijuar nga AKK-ja për ndërlidhjen e Sistemit të Gjendjes Civil me Sistemin e Adresave. Në fund të takimit palët u pajtuan të vazhdojnë diskutimet përmes krijimit të grupit punues, me qëllim të planifikimit dhe realizimit sa më të suksesshëm të projektit.