Po vazhdon punimet në ditën e dytë punëtoria e organizuar nga Agjencia Kadastrale e Kosovës për krijimin e Udhëzuesve të punës të cilat do të definojnë procedurat dhe detajet teknike që janë përcaktuar me legjislacionin e sapo aprovuar.
Pjesë e punëtorisë përveç ekspertëve të AKK-së janë edhe zyrtarë të Drejtorive për kadastër dhe urbanizëm, gjeodetë nga sektori privat, e gjithashtu edhe ekspertë nga dy Aktivitete e USAID-it, ai për Qeverisje Pronësore dhe ai për Qeverisja Ekonomike në mbështetje të procesit të legalizimit të ndërtimeve pa leje.
Synimi i kësaj punëtorie është që të kompletojë të gjithë dokumentacionin që rrjedh nga Ligji dhe Udhëzimet e reja administrative në një afat sa më të shkurtë kohor në mënyrë që të hapet rruga edhe për fillimin e punës intensive për realizimin e projekteve të planifikuara për këtë vit nga AKK-ja.