Sot në ambientet e Agjencisë Kadastrale të Kosovës është mbajtur trajnimi i radhës për kandidatët për licencin si gjeodet ose kompani gjeodete me leje. Kanditatët për licencim fillimisht do të ndjekin trajnimin nga stafi i AKK-së, e mandej të i nënshtrohen procesit të licencimit, respektivisht pas plotësimit të kushteve për licencim, të pajisen me licenca/leje. Zv. Drejtori Ekzekutiv i Agjencisë Kadastrale të Kosovës Avni Ahmeti, para fillimit të trajnimit i informoi gjeodetët edhe për aktivitet aktuale të AKK-së me theks përgatitjen e Udhëzuesve dhe doracakëve që dalin nga Udhëzimet administrative, duke i falenderuar ata edhe për komente dhe kontribut për përgatitje sa më kualitative të këtyre materialeve të cilat do të shfrytëzohen nga vet gjeodetët në të ardhmen.
Gjithashtu gjeodetët u informuan edhe për detaje për projektet e këtij viti që do realizohen nga AKK-ja.