Drejtori Ekzekutiv i Agjencisë Kadastrale të Kosovës Avni Ahmeti, me ftesë të Ministers së Drejtësisë Albulena Haxhiu, morri pjesë në takimin e përbashkët koordinues dhe konsultues me udhëheqësit e disa institucioneve tjera si:  Agjencia për Parandalimin e Korrupsionit, Banka Qendrore e Kosovës, Administrata Tatimore e Kosovës, Doganat e Kosovës, Njësia për Inteligjencë Financiare, Oda e Noterëve si dhe përfaqësues nga Departamenti i Tatimit në Pronë i Ministrisë së Financave, Punës dhe Transfereve. Temë qëndrore e takimit ishin Reformat në Drejtësi dhe aktivitetet përkatëse që kjo ministri po ndërmerrë në këtë fushë.