Hapja e të dhënave dhe shkëmbimi i tyre në kohë reale me institucione të interesit po ndihmon shumë vendin në zvogëlimin e procedurave burokratike, digjitalizimin e shërbimeve, uljen e kostos buxhetore për qytetarë, duke arritur kështu realizim të ofrimit të shërbimeve në kohë shumë më të shkurtë.
Në kuadër të reformave në këtë fushë me insistimin për zhvillime e avancime të reja për ofrimin e shërbimeve sa më të mira për qytetarët Agjencia Kadastrale e Kosovës ka nënshkruar Memorandum bashkëpunimi me Kompaninë e sigurimeve PRISIG.
PRISIG i shtohet listës së 4 Kompanive tjera të sigurimeve të cilat kanë realizuar me sukses digjitalizimin e regjistrimit, modifikimit dhe fshirjes së hipotekave, krahas edhe 11 Bankave e 6 Institucioneve mikrofinanciare të cilat tash e 4 vite po shfrytëzojnë me sukses këtë shërbim.