Për të parë nga afër ecurinë e projekteve në kuadër të projektit REGIP, ekspertët e Bankës Botërore Caleb Trevis dhe Richard Baldwin po qëndrojnë në AKK, duke realizuar takime me udhëheqësit e AKK-së dhe ekspertët e saj.
Drejtori ekzekutiv i AKK-së Avni Ahmeti i informoi në detaje përfaqësuesit e BB-së për progresin dhe statusin aktual të secilit prej projekteve duke i siguruar që AKK-ja po bën angazhimin maksimal në arritjen e të gjitha objektivave në afatin e planifikuar.
Përfaqësuesit e BB-së përgëzuan AKK-në për angazhimin e deritanishëm për arritjen e objektivave të planifikuara në kohë optimale dhe në harmoni me kërkesat e tyre, duke kërkuar angazhim të mëtutjeshëm të stafit vendor në realizim sa më të suksseshëm të projekteve të REGIP-it në shërbim të të gjithë qytetarëve të vendit.
Kjo vizitë e ekspertëve të BB-së I paraprinë vizitës së planifikuar të të gjithë misionit të Bankës Botërore i cili do të realizohet në gjysmën e tetorit.