Takim i frytshëm me Delegacionin e Bankës Botërore, tek Agjencia Kadastrale e Kosovës

15/10/2024
Sot, delegacioni i Bankës Botërore filloi vizitën një javore në Kosovë, ku të udhëhequr nga z. Caleb Travis Johnson, vizituan Agjencinë Kadastrale të Kosovës (AKK), për të diskutuar mbi ecurinë e Projektit për Regjistrimin e Pronës së Paluajtshme në Kadastër dhe Infrastrukturën Gjeohapësinore (REGIP), projekt ky i financuar nga Banka Botërore, që njëherit ka për qëllim përmirësimin e sistemit kadastral dhe gjeohapësinor në Republikën e Kosovës.
Në takimin e sotshëm, përfaqësuesit e Bankës Botërore dhe të Agjencisë Kadastrale të Kosovës, diskutuan mbi progresin e aktiviteteve të planifikuara për vitin 2024 dhe çështje të tjera të rëndësishme për realizimin e suksesshëm të aktiviteteve për vitin 2025, ku njëashtu u informuan hollësisht për progresin, të arriturat dhe të gjitha sfidat në realizimin e objektivave të AKK-së.
Në krye të herës, u theksua domosdoshmëria e zgjatjes së projektit REGIP, rrjedhimisht Drejtori Ekzekutiv i AKK-së, Avni Ahmeti, dhe Udhëheqësi i Njësisë Implementuese të projektit REGIP, Muzafer Qaka prezantuan të gjitha të arriturat, përfshirë këtu finalizimin e 11 projekteve, si dhe potencuan projekte tjera të rëndësishme që janë në proces të implementimit si në vijim: 
  1. Rilevimi aerofotogrametrik i territorit të Republikës së Kosovës; 
  2. Vendosja e tabelave të emrave të rrugëve dhe numrave të objekteve për komunat e mbetura; 
  3. Avancimi i sistemeve kadastrale; 
  4. Konvertimi dhe migrimi i të dhënave grafike nga projektet e kadastrit të ndërteseve; si dhe
  5. Ndërlidhja e qytetarëve me adresë.
Përfaqësuesit e Bankës Botërore shprehën angazhimin e tyre për mbështetje të mëtejshme, ndërsa AKK e konfirmoi përkushtimin për implementimin e aktiviteteve sipas planit të paraparë, me një fokus të veçantë në aktivitetet që janë pjesë e Planit Zhvillimor Kombëtar. Kjo vizitë dhe takimi i sotshëm shënojnë një hap të rëndësishëm në avancimin e projekteve kadastrale dhe zhvillimin e infrastrukturës gjeohapësinore në Kosovë.
Shpërndaje në:

Të tjera

Përmbyllja e Vizitave Monitoruese të Agjencisë Kadastrale të Kosovës në Zyrat Kadastrale Komunale

28/03/2025

Takim me Operatorë Ekonomikë për Zbatimin e Projektit të Rindërtimit të Kadastrit në 115 Zona Kadastrale

27/03/2025

𝐊𝐚 𝐟𝐢𝐥𝐥𝐮𝐚𝐫 𝐑𝐢𝐧𝐝𝐞̈𝐫𝐭𝐢𝐦𝐢 𝐢 𝐊𝐚𝐝𝐚𝐬𝐭𝐫𝐢𝐭 𝐧𝐞̈ 𝟏𝟏𝟓 𝐙𝐨𝐧𝐚 𝐊𝐚𝐝𝐚𝐬𝐭𝐫𝐚𝐥𝐞

26/03/2025

Vazhdohet masa e veçantë për regjistrim pa pagesë të pronës në emër të dy bashkëshortëve

25/03/2025

Shënohet Dita Botërore e Gjeodetit

22/03/2025
Frogot Password?

Ankesë

Kontakte

AKK

Rr. "Arbënor dhe Astrit Dehari" No. 25 

Ndërtesa e Arkivit / Kati II

10000, Prishtinë

Republika e Kosovës

Tel: 038 512 353

Email: akk@rks-gov.net