Sesioni i hapjes së Konferencës së sotshme, u nis me fjalët hyrëse nga Ministri i MMPHI-së Liburn Aliu, Drejtori i AKK-së Avni Ahmeti, Drejtori nga USAID Noel Bauer, si dhe Presidenti i EuroGeographics Tomaz Petek, që sollën në pah vizionin dhe angazhimin e tyre drejt një sistemi kadastral digjital e konkurrues, jo vetëm në rajon, por edhe në Evropë dhe më gjerë.

Fjalët hyrëse:

-  Ministri i Mjedisit, Planifikimit Hapësinor dhe Infrastrukturës, z. Liburn Aliu, i cili shprehu rëndësinë strategjike të digjitalizimit për zhvillimin e qëndrueshëm të Kosovës.
-  Drejtori Ekzekutiv i Agjencisë Kadastrale të Kosovës, z. Avni Ahmeti, i cili theksoi arritjet nga Agjencia në këtë drejtim dhe projektet që po transformojnë shërbimet kadastrale.
-  Drejtori i Zyrës për Demokraci dhe Qeverisje të USAID, z. Noel Bauer, që vlerësoi lartë bashkëpunimin e ndërsjellë në avancimin e mëtutjeshëm dhe përmirësimin e kadastrit në përgjithësi.
-  Presidenti i EuroGeographics, z. Tomaz Petek, i cili solli perspektivën evropiane dhe nënvizoi rëndësinë e harmonizimit të standardeve kadastrale ndërkombëtare.