Nën organizimin e Ministrisë së Ambientit dhe Planifikimit Hapësinor të Republikës së Sllovenisë dhe me pjesëmarrjen e autoriteteve për kadastër, për hartografi dhe për të dhëna gjeohapësinore nga shtete të regjionit, përfshi edhe Agjencinë Kadastrale të Kosovës në Velenje të Sllovenisë është mbajtur Konferenca e 14 Regjionale për Kadastër dhe për Gjeoinformacion. Në këtë konferencë Agjencia Kadastrale e Kosovës e përfaqësuar nga Drejtori i Drejtorisë për Kadastër dhe nga Udhëheqësi i Njësisë për Implementimin e Projekteve z. Avni Ahmeti dhe z. Muzafer Çaka ka mbajtur edhe prezantimin kushtuar gjendjes aktuale në kadastër dhe në infrastrukturën gjeohapësinore, të arrituar e sfidat në këtë fushë si dhe vizionin për të ardhmen.