23/02/2026
Sot, Drejtori Ekzekutiv i Agjencisë Kadastrale të Kosovës, z. Avni Ahmeti, u mirëprit në takim nga Kryetari i Komunës së Kamenicës, Kadri Rahimaj, së bashku me Nënkryetaren Arta Bajralija dhe Drejtoreshën për Pronë, Kadastër dhe Gjeodezi Diana Kryeziu.
Gjatë këtij takimi u prezantua në detaje projekti për Rindërtimin e Kadastrit në Kamenicë, që trajton kontekste komplekse pronësore-juridike, si dhe mospërputhjet ndërmjet gjendjes faktike në terren dhe të dhënave në Regjistrin e të Drejtave mbi Pronat e Paluajtshme.
Projekti përfshin zonat kadastrale: Hogosht, Karaçevë e Epërme, Karaçevë e Poshtme, Petroc dhe Moqare.
Në takim u vlerësua lart puna e Agjencisë sonë, veçanërisht zhvillimi i Gjeoportalit, ndërsa njoftuam se të dhënat e publikuara në këtë platformë së shpejti do të inkorporohen edhe në platforma të mëdha ndërkombëtare si Google, proces i cili tashmë ka nisur.