Sot, në Agjencinë Kadastrale të Kosovës (AKK), u mbajt një takim me përfaqësuesit e Odës së Ndërmjetësuesve, të kryesuar nga znj. Ganimete Xhelili.
Përfaqësuesit e Odës së Ndërmjetësuesve u pritën nga U.d. Drejtori Ekzekutiv i AKK-së, z. Faik Kelmendi, së bashku me bashkëpunëtorët e tij.
Gjatë takimit u diskutuan çështje që lidhen me marrëveshjet e ndërmjetësimit, ku përfaqësuesit e Odës prezantuan sfidat dhe problemet me të cilat përballen në praktikë.
AKK shprehu gatishmërinë për mbështetje dhe bashkëpunim të mëtejshëm, me qëllim avancimin e proceseve dhe ofrimin e zgjidhjeve më efikase në interes të qytetarëve dhe palëve të përfshira.