Punëtoria 4 ditore e organizuar nga Agjencia Kadastrale e Kosovës për krijimin e Udhëzuesve të punës ka përmbyllur me sukses punimet e saj sot.
Me përfundimin e përgatitjes së këtyre udhëzuesve AKK-ja kompleton reformën legjislative të filluar vitin e kaluar e të cilat rezultuan me aprovimin e Ligjit për kadastër të pronës së paluajtshme dhe 10 Udhëzimeve administrative për implementimin e tij.
Pjesë e kësaj punëtorie përveç ekspertëve të AKK-së ishin edhe zyrtarë nga Drejtoritë e Kadastrit dhe Urbanizmit, gjeodetë nga sektori privat, ekspertë nga dy Aktivitet e USAID-it ai për Qeverisje pronësore dhe ai për Qeverisje ekonomike dhe palë të tjera të interesit.