Agjencia Kadastrale e Kosovës, së bashku me komunat, është përgjegjëse për Regjistrin Shtetëror të Adresave. Duke pasur parasysh rëndësinë e adresave, Agjencia Kadastrale e Kosovës, është pjesë e grupit punues për draftimin e Projektligjit për Vendbanim. Për të shqyrtuar draftin e parë të projektligjit për Vendbanim, Agjencia e Regjistrimit Civil ka organizuar një punëtori dy ditore, me pjesëmarrës të institucioneve të rëndësishme, të mbështetur nga organizata IOM (Organizata për Migrim Internacional), ku pjesëmarrës ishte edhe Amir Sogojeva zyrtar i Adresave në Agjencianë Kadastrale të Kosovës. Ligji do të trajtoj çështjet e lajmërimit të vendbanimit (adresës) dhe në fokus ka unifikimin e përdorimit vetëm të adresave zyrtare. Ligji synon rregullimin e shumë problematikave të shfaqura deri më tani që kanë pasur të bëjë me përdorimin e adresave të pasakta dhe jozyrtare.