Drejtori Ekzekutiv i Agjencisë Kadastrale të Kosovës z. Avni Ahmeti, ishte pjesë e një bisede të frytshme dhe tejet informuese në Podcast-in e parë të organizuar për AKK, ku u përmblodhën arritjet e jashtëzakonshme të AKK-së për vitin 2024.
Ky vit ishte padyshim një vit suksesi dhe progresi për AKK-në, duke përmbyllur e nisur projekte të rëndësishme, njëkohësisht duke vendosur themele të forta për të ardhmen e Agjencisë, përkitazi vendit tonë. Diskutimi theksoi jo vetëm rezultate konkrete e të arritura, por edhe vizionin e qartë dhe të qëndrueshëm në zhvillimin e hovshëm të Agjencisë Kadastrale të Kosovës në çdo fushë.
Për të gjitha sukseset dhe sfidat e vitit që po e lëmë pas, e gjithashtu për planet ambicioze për vitin 2025, e këtë bashkëbisedim të frytshëm me gazetaren nga Telegrafi, znj. Jehona Ulaj, do të keni mundësinë që t'a ndiqni në videon e plotë që do të publikohet së shpejti.