Në Agjencinë Kadastrale të Kosovës, sot u zhvillua një takim i frytshëm me përfaqësues nga Banka Botërore, të udhëhequr nga znj. Isolina Rossi, Ekonomiste dhe Drejtuese e Ekipit të Punës, si dhe z. Besart Myderrizi, Specialist i Zhvillimit të Sektorit Privat.
Drejtori Ekzekutiv i AKK-së, z. Avni Ahmeti, informoi të pranishmit mbi progresin e zbatimit të Ligjit për Kadastrin, përfshirë aktet nënligjore për zbatimin e Ligjit. Në krye të herës, u diskutua mbi përgatitjet intensive për nisjen e implementimit të projektit të Rindërtimit të Kadastrit në 115 zona kadastrale.
Ky takim shënon riafirmimin e mëtejshëm të bashkëpunimit të shkëlqyer në mes të përfaqësuesve nga Agjencia Kadastrale e Kosovës dhe Bankës Botërore, gjithnjë në frymën e një bashkëpunimi që është përherë në funksion të reformave të rëndësishme në fushën e kadastrit, e që sjellë përfitime afatgjata për qytetarët e vendit.