Në kuadër të një bashkëpunimi të shkëlqyer dhe rezultateve konkrete të arritura, përfshirë këtu finalizimin e 11 projekteve, tashmë (AKK), ka marrë dritën e gjelbër për vazhdimin e mëtutjeshëm të projektit për Regjistrimin e Pronës së Paluajtshme në Kadastër dhe Infrastrukturë Gjeohapësinore (REGIP).
Ky hap shënon fillimin e një viti me ambicie të qarta për realizimin e projekteve kapitale dhe zhvillimin e mëtutjeshëm të kadastrit në vendin tonë. Zgjatja e afatit të implementimit të Projektit ka rëndësi të veçantë për realizimin e aktiviteteve kyçe të projektit, me fokus në aktivitetet që janë pjesë e Planit Zhvillimor Kombëtar.
Si pjesë e rëndësishme e planit të paraparë për këtë vit, është edhe modernizimi dhe rindërtimi i kadastrit në 115 zona kadastrale, projekt ky që tashmë veçse ka nisur. Implementimi i projekteve kapitale dhe realizimi i objektivave të (AKK)-së, do të vazhdojë që të sjelli rezultate të prekshme për qytetarët tanë, njashtu rezultate konkrete në modernizimin e kadastrit, përkitazi digjitalizimin e shërbimeve.

Agjencia Kadastrale e Kosovës
World Bank Europe and Central Asia