Një delegacion nga Agjencia Kadastrale e Kosovës (AKK), zhvilloi një takim pune në ambientet e Agjencisë për Kadastër të Patundshmërive (AREC) në Shkup, ku u mirëprit nga stafi profesionist i kësaj agjencie.
Takimi kishte për qëllim shkëmbimin e përvojave ndërinstitucionale në fushën e kadastrit, me fokus të veçantë në avancimin e shërbimeve kadastrale, veçanërisht për kadastrin e përçojave.
Gjatë diskutimeve, u trajtuan aspekte të ndryshme si: korniza ligjore dhe rregulloret që duhet të përpilohen për grumbullimin dhe publikimin e të dhënave të përçojave; metodat teknike për përpunimin dhe administrimin e këtyre të dhënave;
si dhe praktikat më të mira që mund të aplikohen.
Duke qenë se AKK është në fazën e zhvillimit të modulit të ri për kadastrin e përçojave, ky takim shërbeu si një mundësi e vlefshme për të përfituar nga përvojat e institucioneve homologe, me qëllim që të adaptohet qasja më efikase dhe funksionale.
AKK mbetet e përkushtuar për të ndërtuar një sistem modern dhe transparent, që garanton qasje të lehtë dhe të besueshme në të dhëna për të gjith qytetarët, institucionet dhe sektorin privat.