Sot, Drejtori Ekzekutiv i AKK-së, z. Avni Ahmeti, dhe Drejtori Ekzekutiv i IKKL-së, z. Atdhe Hetemi, nënshkruan Memorandumin e Bashkëpunimit, që i hap rrugë një kapitulli të ri që përcakton kornizën e bashkëpunimit ndërinstitucional për ndarjen e njohurive dhe të dhënave që AKK posedon.
Ky memorandum parasheh:
Shkëmbim të të dhënave fiziko-gjeografike digjitale që përfshijnë ortofotot e Kosovës ndër vite, kufijtë administrativë dhe kadastralë, zonat urbane/rurale, hartat topografike, adresat dhe infrastrukturën.
Organizim të seminareve, punëtorive dhe aktiviteteve të përbashkëta shkencore e profesionale.
Bashkërendim të burimeve dhe ekspertizës për projekte hulumtuese dhe zhvillimore që synojnë dokumentimin dhe zbardhjen e të vërtetës për krimet e kryera gjatë luftës në Kosovë.