Agjencia Kadastrale e Kosovës, si organ kompetent për licencimin e gjeodetëve dhe pajisjen me leje të kompanive gjeodezike, ka ndërmarrë të gjitha hapat e përcaktuara nga Udhëzimi Administrativ për licencimin e tyre.
Pas përfundimit të procesit të testimit dhe plotësimit të të gjitha kushteve të nevojshme, në ambientet e AKK-së u bë shpërndarja e licencave për gjeodetë dhe lejeve për kompanitë gjeodezike, duke hapur kështu rrugën për ushtrimin e veprimtarisë së tyre profesionale.