22/01/2026
Drejtori Ekzekutiv i AKK-së z. Avni Ahmeti ka mbajtur një takim me përfaqësuesit e Komunës së Graçanicës, të prirë nga Nënkryetari i Komunës, Kryesuesi i Kuvendit Komunal dhe Drejtori i Kadastrit.
Në këtë takim u diskutuan avancimet e fundit të AKK-së drejt ofrimit të shërbimeve digjitale kadastrale, çështja e taksës komunale mbi transaksionet pronësore, kërkesa për dëshmi të pagesës së tatimit në pronë për pajisje me dokumente kadastrale, si dhe vonesat në trajtimin e kërkesave të qytetarëve në këtë komunë.
Palët u dakorduan që të fillohet menjëherë procedura për heqjen e taksës mbi transaksionet pronësore, të mos aplikohet kërkesa për dëshmi të pagesës së tatimit në pronë për pajisje me dokumente kadastrale, si dhe të përfundojnë të gjitha kërkesat në pritje brenda një afati sa më të shkurtër kohor.