26/02/2026
Në një takim informues Drejtori Ekzekutiv i Agjencisë Kadastrale të Kosovës, z. Avni Ahmeti, u prit nga Kryetari i Komunës së Kllokotit z. Božidar Dejanović.
Drejtori Ahmeti e informoi Kryetarin Dejanović për përfitimet e qytetarëve të kësaj komune nga njëri prej projekteve më të rëndësishme që po zhvillon aktualisht Agjencia Kadastrale e Kosovës, Rindërtimin e Kadastrit. Ky projekt synon adresimin e mospërputhjeve mes gjendjes faktike në terren dhe të dhënave të evidentuara në Regjistrin e të Drejtave mbi Pronat e Paluajtshme, përfshirë zyrtarizimin e transaksioneve joformale, regjistrimin e trashëgimive, etj.
Projekti parasheh rindërtimin dhe përditësimin e informacioneve kadastrale, në dy zona kadastrale të Kllokotit: Zk. Kllokot dhe Zk. Mogillë.
Mes tjerash u diskutua edhe për zhvillimet e fundit në AKK me fokus projektin e sapofilluar të korrektimit të të dhënave të pronarëve duke përmirësuar kodin KCID dhe duke plotësuar të gjitha të dhënat e personave nga Regjistri i Gjendjes Civile.