Agjencia Kadastrale e Kosovës ka mbajtur dje takimet e radhës me qytetarë në fshatrat Moçar dhe Hogosht të Kamenicës, në kuadër të Projektit për Rindërtimin e Kadastrit.
Ky proces transparent garanton sigurinë juridike të pronës për çdo banor përmes informimit të detajuar mbi hapat teknikë dhe rëndësinë e regjistrimit të saktë të pasurisë paluajtshme.
Falënderojmë pjesëmarrësit për gatishmërinë e treguar për të bashkëpunuar në këtë reformë madhore që eliminon pasaktësitë e vjetra dhe ndërton një sistem kadastral modern e të besueshëm.
Takimet do të vazhdojnë edhe sot gjatë ditës dhe ditëve të ardhshme nëpër disa prej komunave të Kosovës, për të cilat Agjencia do t'ju informojë me kohë.