Profesorët nga Universiteti i Prishtinës, Prof. Dr. Përparim Ahmeti, Prof. Dr. Bashkim Idrizi, Prof. Dr. Ymer Kuka dhe Prof. Dr. Besim Ajvazi, si dhe nga Kolegji UBT, Prof. Dr. Edon Maliqi, realizuan një vizitë në Agjencinë Kadastrale të Kosovës (AKK), me qëllim të urimit të z. Faik Kelmendi për detyrën e re.
Gjatë kësaj vizite, përveç urimeve për suksese në drejtimin e institucionit më të lartë në vend në fushën e gjeodezisë, kadastrës, hartografisë dhe gjeoinformacionit, u zhvilluan edhe diskutime lidhur me zhvillimin e mëtejmë të AKK-së.
Bashkëbisedimi u fokusua në gjendjen aktuale të institucionit, sfidat profesionale dhe teknike, si dhe në rëndësinë e avancimit të proceseve dhe shërbimeve për institucionet dhe qytetarët në këtë sektor.
Profesorët universitarë theksuan rëndësinë e bashkëpunimit ndërmjet institucioneve dhe komunitetit akademik, duke shprehur gatishmërinë për të kontribuar në zhvillimin dhe fuqizimin e sektorit të gjeodezisë, kadastrës dhe gjeoinformacionit në Kosovë.